Kuch bhi to Nahi badla

Thodi moti Ho gayi hai,   Sunahare Baalon Pe ab  Chandi cha gayi hai,   Baaki Kuch bhi to Nahi Badla,  muskurahat ki lakeeren badh gayi hai, Aankhe Thodi chhoti Ho gayi hai,  Baaki Kuch bhi to Nahi Badla,  wo chanchal Aankhe  ab bhi Sharm se jhukti hai,  baat zubaan Pe aate aate  ab bhi rukti hai,  Baaki Kuch bhi to Nahi badla Gali ke mod Pe jiske  deedar ke liye lagte the chakkar,  ma ka haath batane ke Bahane  nukkad ki Dukan se late the  Kabhi dahi to Kabhi shakkar, Wo hoor tab bhi thi door aur  Aaj bhi door hai, Par Dekho Zara gor se  uske chehre Pe Aaj bhi wohi noor hai, Jaanti thi wo mere dil ka haal tab bhi,  Jab Nazren Mili to khudbakhud  Ho gaya bayaan Aaj bhi, Kash Usse Mai tab kah paata dil ki baat,  shayad hote Aaj Hum bhi sath sath, Uski aankhon me Aaj bhi  Bahut sawal hai,   jinka jawab Dena mere bas ki baat nahi, Chamakti aankho me wo hi sawal lekar, Shayad wo aa rahi hai yaheen, Chandan, kahaan ho Tum,  kahaan the Itne saal, Usne poocha, Uski aankhon me doob gaya yoon,  ki Koi jawab na soojha, Wo sawaalon ki ladiyaan lagati gayi, aur Mai bas dekhta raha ektak,   In sabhi sawalon ne chhoo liya  Mera antarman tak, Phir jab Usne poocha,   kaunsi kaksha me hai Teri beti,  us waqt laga Kaash  zindagi ki cassette rewind Kar di hoti, Apne bete se milwate hue  Badi khush nazar aa rahi thi,  Mere armaano ko choor choor karke  wo Aaj phir ja rahi thi...  Ek tarfa chahaton ka  shayad yahi hai Sila,  Sach me Kuch bhi to Nahi badla